LA UNION – Nakapasar ti pannakadun-dunor iti uppat a tattao kalpasan a madungpar ti van ti maysa traysikel iti kawatiwatan ti national highway idiay Barangay Gana, ili ti Caba, La Union.
Base iti imbestigasyon ti Caba Police Station, manipud iti outer lane ket umallatiw koma iti inner lane ti traysikel a manmanehuen ni Dominador Alcaparaz, residente iti Barangay Samara, Aringay, La Union idi a killaat a dinunpar daytoy iti sumungsungad a van a patpatarayen ni Randolph Chris Savellano ti Barangay Bonifacio, Cabugao, Ilocos Sur.
Gapu iti daytoy a pasamak, naglak-am iti sugat dagiti lima pay a naglugan ti nasao a traysikel nga adda metten iti natalged a kasasaad kalpasan a mataming iti ospital.
Naduktalan met nga awanan ti tail ti traysikel.
Kabayatanna, uray-urayen met ti pulisya iti panngeddeng ti agsinnumbangir a benneg maipapan ti nasao a pasamak.
