LA UNION – Adda itan iti salwad ti Explosive and Ordnance Division (EOD) ti Police Regional Office-1 (PRO-1) dagiti lima a vintage bomb a nakali manipud iti nagsina a lugay idiay probinsya ti La Union.
Naammuan ti Bombo Radyo manipud diay La Union Police Provincial Office (LUPPO), uppat a kadaanan a bomba iti nakali ni Jose Sabado idiay Barangay Cabaritan, ili ti Naguilian.
Maysa met a pampabittak iti nakali ni Eduardo Obillo iti construction site idiay Barangay Bacuit Norte, ili ti Bauang.
Bin-ig a 75mm projectile iti kita dagiti bomba a maipagarup a maar-aramat idi Maikaddua a Gubat ti Sangalubongan ken mabalin a bumtak wenno makadangran dagitoy.
Kabayatanna, maipagarup a base iti pakasaritaan ket maysa ti La Union kadagiti lugar ditoy Pilipinas iti nagbalin a sentro ti gubat babaeng iti agkaddua a Pilipino ken Americano kontra kadagiti kabusor a Hapon isu a saan a nakaskasdaaw nga adda dagiti masarsarakan a vintage bomb iti probinsya. (Absalom Flores)
