LA UNION – Nangpili iti 53 a pulis ti La Union Police Provincial Office (LUPPO) a maipasidong iti bicycle training ken tourist orientation program iti probinsiya ti La Union.
Iti pannakiuman ti Bombo Radyo kenni C/Ins. Silverio Oridnado Jr., Spokesperson ti LUPPO, kinunana a ti nasao a panangsayat kadagiti pulis nga agbalin a bicycle patrolers ket proyekto ti agdama a Regional Director ti Police Regional Office-1 a ni C/Supt. Rumulo Sapitula.
Sigun kenni Ordinado, dagiti nasao a pulis kalpasan a maipasidong iti training ken tourist orientation program ket agpatrolya kadagiti national highway ken tumulong a mangi-promote ti turismo ditoy probinsya.
Umabot iti 13 nga aldaw a maipasidong ti training dagiti nasao a pulis.
