Addan iti 53% ti pakabuklan nga P7.5-B a pondo a nailatag para iti pannakapaipatungpal iti Public Utility Modernization Program ti ginastar iti gobyerno manipud idi na-irolyo daitoy idi tawen 2018 segun kenni Department of Transportation Secretary Jaime Bautista.
Pakairamanan ditoy iti P1.6-B a para iti PUV Modernization ita nga tawen 2024.
Kasaruno daitoy iti saan panagkontra ti opisyal ti suspensiyon ti pannakapaipatungpal ti programa.
Malaksid pay iti binilyon a pondo a nagastar para iti programa, kinuna ti opisyal nga ti suspensiyon nga isingsingasing dagiti Senador, iti punto a makadadaelen daitoy iti relasyon ti gobyerno ken dagiti stakeholders nga nagpuonan gapo ta dakkelen a porsyento dagiti nag-consolidate.
Mangitantan pay daitoy iti serbisyo kadagiti adu nga nakadepende kadagiti benepisyo iti programa.
