LA UNION – Imbulos iti Pawikan Hatchery volunteers dagiti 54 a kapispissa a pag-ong idiay kabaybayan ti Barangay Baroro, ili ti Bacnotan, La Union.
Kinuna ni Pawikan Hatchery volunteers Marty Magat, manipud it 128 nga itlog ti pawikan ket 54 laeng ti napissaan.
Ur-urayenda pay dagiti dadduma nga itlog a mabalin a mapissaan kadagiti sumaruno nga or-oras.
Kabayatanna, tallo pay nga umok ti pawikan iti manamnama nga agpissa iti mabiit ken maibulos met laeng dagitoy iti kabaybayan ti nasao a lugar.
