Im-imbestigaran ti Commission on Elections iti impormasion nga adda ti 55 a contractors iti maipagarop a nangipaay ti campaign donations idi 2022 elections.
Segun kenni Comelec Chairman George Garcia, kiniddaw ti Department of Public Works and Highways (DPWH) iti kumpirmasion manipud ti Political and Finance Affairs Department ti ahensia seknan ti nasao nga iligal a donasyon manipud kadagiti contractors.
Rumrumuar nga adda ti tallo a contractors iti maikonkonektar iti kandidato nga iti posisyon ket nangatngato pay ngem ti kinasenador.
Inlawlawag pay ni Garcia nga adda ti bukod da nga imbestigasion ken saan a nga agdepdepende iti panagdingeg ti Senado ken Independent Commission for Infrastructure (ICI).
Dimmar-ay metten iti nangibagi kenni Lawrence Lubiano, iti mangidadaulo ti Centerways Construction and Development Inc. tapno ipalawag iti campaign donation kenni Senator Francis Escudero idi 2022 elections.
Kadagiti sumarsaruno nga aldaw ket paayaban da ni Sen. Escudero tapno agpalawag iti nasao nga alegasyon kontra kenkuana.###
