BR LA UNION – Inruaren ti Supreme Court (SC) ita a malem ti Miyerkoles, Enero 7, 2025 iti resulta ti 2025 Bar Examinations ket pakabuklan a 5,594 dagiti pimmasa manipud iti 11,425 examinees wenno kaibatugan ti 48.96% iti passing rate.
Topnotcher iti baro ng abogado a ni Jhenroniel Rhey Sanchez ti University of the Philippines nga addaan ti 92.70 average grade.
Ni Associate Justice Amy Lazaro-Javier ti nagserbi a chairperson ti Bar Exams Committee, ken nanglukat iti resulta iti en banc session ti Supreme Court.
Maipalagip a naisayangkat ti 3-aldaw nga eksaminasyon idi September 7, 10, ken 14, 2025 iti 14 a regional testing centers babaen ti digital platform nga Examplify, a nairanta tapno agbalin a mas accessible ken natalged iti proseso.
Maibilang a napnuan pakasaritaan agsipudta daytoy ti addaan ti kangatuan a bilang dagiti kandidato iti pakasaritaan ti Bar, nga umabot iti nasurok 11,000 examinees.
Kagiddan ti listaan dagiti pimmasa, nairuar met ti listaan dagiti topnotchers ken top performing law schools.
Dagiti baro nga abogado ket namnamaen a maipasidong iti clearance process ken opisyal nga agsapata inton Pebrero 6, 2026.
