LA UNION – Mairwar inton Disyembre iti resulta ti kalkalpas a Bar exam, segun kenni Supreme Court Associate Justice Mario Lopez.
Ni Lopez iti nagserbi a chair ti September 2024 Bar Examinations ken nasurok 10,000 a Bar candidates ti nangala ti eksaminasyon.
Kasaruno daytoy ti nakatuding nga oath-taking dagiti baro nga abogado inton Enero 24, 2025.
Kabayatanna, maibasar iti datos ti Supreme Court, agtultuloy a ngumatngato ti bilang dagiti mangal-ala ti Bar exam.
Segun kenni Court Administrator Raul Villanueva, daytoy ket kasaruno iti panagbalin a digitalized ken regionalized ti nasao nga eksaminasyon sipud idi tawen 2021.
