Manamnama a maapektaran ti agingga 560,912 ektarya a kapagayan gapo iti bagyong Kristine, basar iti estimasyon ti Philippine Rice Information System (PRiSM).
Manipud iti immuna nga patta-patta ti PRiSM, dumanon laeng ti 140,000 ektarya a kapagayan ti inisyal a maapektaran ngem gapo iti agtultuloy a panagpigsa ti bagyo ket naipangato ti estimasyon dagiti mabali a dadaelen na.
Manipud iti nasurok 560,000 ektarya a kapagayan, 90,046 ektarya ket adda iti reproductive phase, bayat nga 470,865 ektarya met iti agdama nga adda iti ripening stage.
Rumrumuar a nakaapiten dagiti mannalon ti agingga 726,000 ektarya a kapagayan sakbay pay nga simrek iti Philippine Area of Responsibility iti Bagyong Kristine.
Sumagmamano kadagiti rehiyon a manamnama a maapektaran ti nalawa a talon na ket ti Central Luzon, Cagayan Valley, Ilocos Region, ken Bicol Region.
