BR LA UNION – Narekober ti search and rescue team ti bangkay dagiti innem a tattao a naglugan ti nagsuwek a Super Huey helicopter ti Philippine Air Force (PAF) idiay ili ti Loreto, Agusan del Sur idi kalman, agarop alas-10:55 ti agsapa.
Segun kenni Col. Christina Basco, tagapagsarita ti PAF, iti interview ti Bombo Radyo, kabilang dagiti natay iti dua a piloto ken uppat a crew members nga agpapada a miyembro ti search and rescue group.
Kadwa da iti operasyon dagiti tallo pay a helicopter units.
Ti nasao a chopper ket naggapo idiay Davao City ken agturong koma idiay Butuan City tapno ag-preposition ken agitulod ti ayuda para kadagiti biktima ti Bagyo Tino, idi mapukaw ti komunikasyon na iti dadduma a helicopter a kagiddan na iti misyon.
Agtultuloy iti maisay-sayangkat nga imbestigasyon tapno amwen ti makagapo iti panagsuwek ti nasao a helicopter.
