Bangkayen idi masarakan ti bagi na ti 6 anyos nga ubbing a babai iti karayan idiay Barangay Ambitacay, Sto. Tomas La Union.
Maibasar iti imbestigasyon dagiti otoridad, idi pay malem ti Biyernes a sapsapulen iti pamilya na ti saanen a nainaganan a biktima agingga a nasarakan laengen daytoy iti ama na iti karayan a 300 meters ti kaadayo manipud iti pagtaengan da nga awanen iti pagan-anay na ken addaan ti dunor iti nadumaduma a paset iti bagi.
Ti impormasyon a nakalap iti Bombo Radyo manipud ti Sto. Tomas Police Station, madama idi nga agay-ayayam ti biktima kadua dagiti kaay-ayam na nga ubbing iti arubayan ti balayda idi kellaat laengen a nagpukaw.
Segun pay kadagiti otoridad posible a narames ti biktima gapu ta nakitaan daytoy iti laceration iti mabagbagi na idi nasarakan daytoy.
Ti agdama agtultuloy iti imbestigasyon dagiti otoridad para iti posible a pannakabigbig ken pannakatiliw iti suspek a nangaramid ti krimen.
