LA UNION – Agpapaimbag pay laeng idiay ospital dagiti innem a nasugataniti bimmaliktad a jeepney idiay Naguilian-Baguio Road a sakupen iti Barangay Ballay, ili ti Bauang, La Union.
Iti pannakiuman ti Bombo Radyo kenni C/Ins. Joel Lagto, hepe ti Bauang Police Station, kinunana a naggapu pay idiay Sugpon, Ilocos Sur ken agturongda koma idiay syudad ti Baguio dagiti biktima tapno makipagrambak iti kasar, ken nakalugan dagiti iti jeep a manmanehuen ni Jun Pasian, 29.
Maipagarup a nagpalya ti preno ti lugan ken dimmungpar iti maysa a poste kasaruno iti panagbaliktad daytoy.
Sigun pay kenni Lagtog, dumaanen ti nasao a jeep a nagluganan dagiti biktima ken nakupit iti dakkel a paset ti lugan gapu ti aksidente.
Karaman kadagiti naglak-am iti sugat ti naduma-duma a paset ti bagida ket isuda Mateo Donato, 52; Crisanto Yagyagan, 24; Edison Licando, 24; Jaime Galatis, 52; ken Rainy Balalong, 24, agpapada nga agnanaed idiay ili ti Sugpon. (Absalom Flores)
