LA UNION – Naiturong idiay ospital dagiti innem a tattao a nasugatan kalpasan a nagdinnungpar ti van ken 18-wheeler truck idiay kawatiwatan ti national highway idiay Barangay Rissing, ili ti Bangar, La Union itattay alas-12:30 ti parbangon.
Nabigbig dagiti nasugatan nga isuda Gideon Gumpad, 47-anyos, nagmaneho ti van; dagiti pasahero nga isuda Daisy Centero, Mariane Gumpad, Jomer Dadpaas, ken Camille Gumpad, agpapada nga agnanaed idiay Barangay Abacan, ili ti Sigay, Ilocos Sur.
Base iti impormasyon a nakalap ti Bombo Radyo manipud ti Bangar Police Station, maipagarup nga immagaw ti linya ti nadakamat a van iti kasinnabatna a truck a manmanehuen ni Michael Jack Niro, 30-anyos ken residente ti Barangay Magallanes, ili ti Luna, La Union isu a napasamak iti aksidente.
Dagus a naiturong iti ospital dagiti nasugatan karaman ti driver ti truck a nadangran iti nasao nga insidente.
Ur-urayen met ti pulisya iti panagsarita dagiti agsinnumbangir a benneg maipapan iti pagbanagan ti nasao kaso. (Absalom Flores)
