Nasugatan ti innem nga tattao kalpasan iti panagdinnungpar ti dua a tricycle iti kawatiwatan ti national highway a paset ti Barangay Central West, Bauang, La Union.
Nabigbig dagiti biktina a da Eugenio Valderas, 33, addaan asawa, residente ti Barangay Buy-otan, Venito Aragon, 43, residente ti Barangay Parian Este, Maribel Duay, 53, addaan asawa, Carlito Domingo, 57, addaan asawa, Rochelle Deompoc, 25, agpapada a residente ti Barangay Central East ken Lucky Jay Untalasco, 28, ti Barangay Bagbag.
Base iti imbestigasyon ti Bauang Police Station, agturturong ti abagatan a direksyon ti tricycle a minaneho ni Aragon idi makadinnungpar na ti tricycle a minaneho ni Valderas a maipagarop a nag-overtake manipud iti amianan a direksyon.
Gapu iti kinapigsa ti aksidente, agpapada nga naiturong iti Ilocos Training & Regional Medical Center dagiti biktima a nagsagaba kadagiti sugat iti nadumaduma a paset ti bagi dagitoy.
Agtultuloy met iti ar-aramiden nga imbestigasyon dagiti otoridad maipapan iti nasao nga aksidente.
