LA UNION – Na-ospital ti 23-anyos a misis nga agdadagsen kalpasan a nairaman iti aksidente ti naglugananna a motorsiklo idiay Barangay Poblacion, ili ti Aringay, La Union.
Naammuan ti Bombo Radyo manipud iti Aringay Police Station, maipagarup a nakilubon ti nasao a misis a walo a bulanen a masikog iti motorsiklo a manmanehuen ti 30-anyos a misterna.
Manipud iti barangay road ket umallatiw koman ti nadakamat a motorsiklo iti national highway idi nga aksidente a nadalapus daytoy iti maysa pick-up.
Dagus a maiturong iti ospital dagiti agassawa, ken adda ita iti nasayaat a kasasaad ti misis.
Kabayatanna, ur-urayen pay laeng iti pulisya ti pangngeddeng dagiti agassawa no mangidatagda iti reklamo kontra iti driver ti nasao pick-up.
