LA UNION – Umabuten iti 900 a lugan ti na-impound iti uneg ti laeng ti dua a lawas a simultaneous checkpoint ti pulisya kadagiti uppat a probinsya idiay Ilocos region.
Sigun kenni C/Supt Romulo Sapitula, Regional Director ti Police Regional Office-1 (PRO-1), paset iti kampanya ti pulisya iti panangisayangkat a kanayon ken aggigiddan a checkpoint kontra ti kriminalidad ken kadagiti kolurum a lugan.
Base iti datos ti PRO1, 341 motorsiklo ken 522 a dadduma pay a kita iti lugan ti na-impound gapu iti panaglabsing ti linteg wenno kinaawan ti umno a dokumento.
Umabot metten iti 3,713 traffic citation tickets ti na-issue kadagiti traffic violators.
Kinuna pay ni C/Supt. Sapitula, dakkel iti maitulong ti checkpoint tapno maliklikan ti traffic vehicular accident kangrunaan kadagiti agmanmaneho nga under the inluence of liqour wenno nabartek.
