BR LA UNION – Nabigbigen dagiti South Korean authorities iti 88 manipud iti 179 a bangkay a biktima iti nag-crash ken nauram a Boeing 737-800 plane idiay Muan International Airportm idi bigat ti Domingo, Disyembre 29.
Nupay narigat a bigbigen dagiti bangkay, nagusar dagiti otoridad ti naduma-duma a kabarwanan a wagas, kas ti fingerprints, dental records, ken dadduma pay.
Uray iti pamilya dagiti biktima ket marigatan da a mangdetermina iti bangkay ti cabagyan da.
Kabayatanna, 85 a bangkay iti nadetermina a babbai, 84 ti lallaki, ken 10 iti saan pay a madetermina ti kasarian na, maibasar iti report dagiti otoridad ti SoKor.
Adda metten iti natalged a kasasaad iti dua a survivor, a nabigbig iti apelyido a Lee, 33-anyos, ken Koo, 25-anyos.
Ni Lee, nagsagaba ti multiple injuries agraman ti traumatic spinal injury, bayat a ni Koo ket nagpasar ti injury iti saka ken ulo.
Laksid ti nakaru a pannakadunor, makapag-sao dagiti dua ken awan ti indikasyon ti memory loss.
Pito nga aldaw iti indeklara ti South Korean government a panagladingit para kadagiti biktima ti nakaam-ames a trahedya.
