BR LA UNION – Agtultuloy iti isay-sayangkat a panagsapol dagiti otoridad iti maysa a bassit a commercial jet a nagluganan ti 15 a pasaheros kalpasan a naipadamag idiay Colombia a mapukpukaw daytoy.
Iti Satena Flight NSE 8849 ket naggapo idiay ili ti Cucuta idiay Colombia ken agturong koma idiay ili ti Ocana idi napukaw iti radar ti oras alas 11:54 ti agsapa.
Nakatuding koma a lumapag daytoy iti oras alas 12:05 ti aldaw ngem napukaw iti radar idiay parte na ti Catatumbo region maysa a kabantayan a paset iti border ti Colombia ken Venezuela.
Iti inisyal nga impormasyon, ti Beechcraft 1900 a nakarehistro iti HK-4709 nga iyop-operate ti kumpanya a SEARCA ket addana ti 13 pasahero ken dua a crew.
