Natured a kinarit ni Colombian President Gustavo Petro ni US President Donald Trump iti “come and get me” kalpasan a mapangtaan nga isunan ti sumaruno a maaresatar kalpasan ni Venezuelan President Nicolas Maduro ken ti First lady na a ni Cilia Flores.
Impaganetget ni Petro a saan da isuna a basta pangtaan agsipud ta urayen na ida idiay Colombia ken usaran na dagiti mangarestar kenkuana ti military action.
Ak-akusaran ni Trump iti Presidente ti Colombia a karaman iti kapada a narco-terrorism ken addaan pay ti bukod a pabrika ti cocaine – alegasyon a nainget met a pinaglibakan ni Petro.
Nu ketdi, nagpangta ni Petro kenni Trump a nakasagana isuna a mangiggem manen ti armas para ti pagilian da. Sakbayna ket inkeddengen ti Colombian President a miembro ti leftist M-19 guerilla group a saanen nga agiggem pay daitoy ti armas.
Kabayatanna, nakasagana met isuna a makisarak kenni Trump a maibasar iti “intelligence” ken saan a ti panagdengngeg ken panangpapati kadagiti Colombian political mafias.
Innayon pay ni Petro a nu mabomba iti uray maysa laeng iti grupo da nga awan ti umdas nga intelligence kadagiti pammabasol kontra kenkuana ket posible a matay dagiti adu nga ubbing.
Malaksid kadayta ket ti panagsubli manen dagiti guerillas da kadagiti kabantayan agsipud ta nu maarestar isuna nga ay-ayaten ti dagiti umili ket mabalin a mawaya-wayawaan ni Trump ti “nalatak a jaguar.’
Kamaudianna ket binagaan ni Petro iti administrasyon ni Trump a maysa a commander dagiti tattao ti makasango da ken impaganetget na iti tungpal-biag a pannakawaya-waya ti Colombia!
