BR LA UNION – Direkta nga imbaga ni U.S. President Donald Trump a ti sumaruno a supreme leader ti Iran ket kasapolan nga aprubaran nga umuna ti Estados Unidos, agsipudta nu saan ket saan nga agbayag.
Dayta ti sungbat ni Trump iti salodsod kabayatan ti interview kenkuana idi Domingo, oras idiay Amerika.
Impaganetget na a nasken a masiguro nga umuna ti U.S. nga awan ti anyaman a gundaway ti Iran a makabukel ti nuclear weapon iti masangwanan.
Innayon pay ti Presidente ti Amerika a tarigagay na a maliklikan iti napalabas a nagbanagan ti Iran, a binomba ti U.S. iti tallo a nuclear facilities ti Iran idi Hunyo 22, 2025.
Kinuna ni Trump, maipagarop nga adda plano ti Iran a kontrolen iti sibubukel a Middle East, banag a nalapdan dayta ti Amerika.
“They are a paper tiger… Their plan was to attack the entire Middle East,” pahayag niya.
Saan nga ipa-igid ni Trump iti posibilidad nga agpatulod ti U.S. ti special forces tapno kontrolen iti enriched uranium ti Iran.
Segun iti maysa a senior administration official, umdasen iti uranium ti Iran tapno agbalin a weapons-grade material iti uneg ti 10 nga aldaw.
Mapapati a kaadwan a uranium ti Iran ket adda kadagiti pasilidad a binomba iti sidong ti Operation Midnight Hammer, kabilang dagiti nuclear site idiay Natanz Nuclear Facility, Isfahan Nuclear Technology Center, ken Fordow Fuel Enrichment Plant.
Saan metten a nangipaay ti timeline iti Presidente nu kaatnu nga aggibus ti rinnupak, nupay imbaga na nga “ahead of schedule” iti operasyon ti U.S. iti kapada nga aspeto ti oras ken pigsa ti opensiba ti pagilian.
Iti laksid ti panagngato ti presyo ti gasolina gapwanan ti tensyon iti rehiyon, inawagan ni Trump iti sitwasyon a “a little glitch” laeng.
Impanakklel na pay iti ibagbaga na a dadakkel a perdisyon idiay Iran, partikular iti maipagarop a pannakadadael iti navy, air force, ken communication systems.
