LA UNION – Tiniliw ti Women’s Protection Desk Office ti siam nga estudyante ti La Union National High School a naaktuan nga agi-inom ti arak iti igid ti baybay idiay Barangay San Vicente, San Fernando City, La Union.
Pakaibilangan daytoy ti 6 a lalaki ken 3 babae.
Iti pannakiuman ti Bombo Radyo kenni PCI John Giuagui, officer in charge ti San Fernando City Police Station, kinuna na nga amuenda no siasino ti nagilako ti arak kadagiti menor de edad agsipudta maipawil a malakuan dagitoy.
Segun ken pay kenni Guiagui, ipaawag na met ti nagannak dagiti estudyante tapno mabagnagaan maipapan iti inaramid dagiti anak da.
Kabayatan na, maipasidong pay iti counseling ti siam a menor de edad sakbay a maipaima kadagiti nagannak dagitoy.
