LA UNION – Naiserbian iti baro nga arrest warrant iti maysa a pulis bayat a nakabalud iti BJMP idiay Agoo La Union, nga immunan a natiliw gaputi kaso a murder.
Ni PO1 Francis Michael Laranang ket naiserbian iti sabali pay nga arrest warrant, napetsaan ti Nov. 15, 2017 ken inyisyu ni Judge Imelda Cosalan ti MTCC Br 1 San Fernando City, La Union gaputi kaso a malversation of public property.
Iti nasao a kaso ti pulis ket narekomendaan iti piyansa a P12,000 para iti temporaryo a pannakawaya-waya na, ngem gaputa saan a mapiyansaan iti immuna a kaso daytoy, isunga agtaltalinaed ti suspek iti pagbaludan.
