LA UNION – Natayen idi a masarakan dagiti residente ti maysa a lalaki kalpasan a timmapog ken nalmes daytoy idiay baybay ti ili iti Luna, La Union.
Nabigbig ti biktima a ni Dennis Magpantay, residente ti Barangay Alcala ti nasao nga ili.
Base iti impormasyon a nakalap ti Bombo Radyo manipud idiay Luna Police Station, nasarakan dagiti residente sadiay a tumtumpaw ti bagi ti biktima idiay baybay.
Naammuan nga idi a sibibiag pay ti biktima ket maipagarup a nabartek daytoy idi a timmapog isuna idiay baybay. (Absalom Flores)
