Nagpanawagan ni AGAP Party-list Representative Nicanor Briones kenni Presidente Ferdinand Marcos Jr. a tignayan a dagos iti pannakalugi dagiti hog raisers gapo iti nababa a farmgate price ken panagsaknap dagiti imported pork.
Segun kenni Briones, dumanon ti ₱130 agingga ₱140 iti kada kilo ti farmgate price kadagiti sabali a probinsya, bayat a ₱180 agingga ₱190 met iti production cost, rason tapno dumanon iti ₱250M iti inaldaw a lugi dagiti hog raisers ti intero a Pilipinas.
Inwaragawag na iti panagngato iti taripa kadagiti imported pork manipud iti 15% in-quota ken 25% out-quota ti 30% ken 40%, imbes nga urayen iti phased increase, ken adalen iti pannakaaramat ti Safeguard Measures Act.
Kiniddaw na pay iti strikto a shipping permits, African Swine Fever testing ken inspeksyon kadagiti imported porks, pananglimita ti import permits, ken panagsungbat kadagiti technical smugglings a kas ti misdeclaration, misclassification ken undervaluation.
Impaganetget na a kasapulan ti dagos a panangsalaknib iti sektor da bayat a mapagtaltalinaed iti makabael a karne para kadagiti konsyumer.
