BR LA UNION – Namnamaen a pakabenipisyaran dagiti livestock farmers ken hog raisers iti dua a dua a solar power system nga impaay ti Department of Agriculture Field Office One iti dua a farmer’s association idiay San Gabriel, La Union.
Dagitoy ket iti Daking Farmers Irrigators Association ken Lipay Este Farmers Association.
Segun iti ahensya, ti nasao a proyekto ket makatulong kadagiti nasao a benipisyaryo tapno mapadur-as ti produksyon ken makatulong a maibaba ti gastos iti operasyon.
Ti nasao a solar power systems ket mausar iti nadumaduma a pagkasapulan iti panagmula ken panagtaraken ti dingwen, nangruna kadagiti adayu a lugar a limitado ti akses iti tradisyunal a power source.
Panangipakita daytoy nga agtultuloy ti suporta ti Department of Agriculture kadagiti mannalon babaen iti panangipaay kadagiti kabarwanan a teknolohiya a makatulong iti panagdur-as ti agrikultura ken pagbiagan dagiti mannalon ditoy probinsiya ti La Union.
