BR LA UNION – Natalged manipud iti sakit nga African Swine Fever (ASF) dagiti malut-luto a lechon manipud iti accredited a lechunan idiay Quezon City.
Segun iti Bureau of Animal Industry (BAI), napateg a ti paggatangan laeng dagiti consumers ket kadagiti accredited nga establishimento.
Nasken a suruten dagiti aggat-gatang ti standard iti food safety practices.
Inallokoy pay ti BAI nga ireport kadakuada dagiti saan a normal a pannakatay dagiti taraken a baboy.
Uray iti Local Government Units ket nangaramid metten kadagiti addang tapno ipatungpal ti istrikto a biosecurity measures kas ti regular a disinfections.
Maipalagip nga idi napan a lawas ket 14 a lechonan ti naiparikep kalpasan a nagpositibo iti ASF ti sumagmamano a taraken a baboy ken nangisayangkat metten ti culling iti Department of Agriculture iti nasao a lugar.
