BR LA UNION – Aminado iti Department of Agriculture a danonen pay ti dua agingga tallo a tawen sakbay a naan-anay nga agsubli iti local hog population ditoy pagilian.
Segun iti ahensya, gapu met laengen daytoy iti pre-African swine fever levels.
Iti maysa a statement, kinuna ni DA spokesperson Assistant Secretary Arnel de Mesa nga adda dagiti makitada a pagilasinan a makabangon ti lokal nga industriya ti panagbaboy.
Agtultuloy ti panangisayangkat ti ahensiya iti panagbakuna kadagiti baboy ken nasayaat met ti nagbalin a resulta.
Ur-urayen met ti ahensiya ti panang-aprubar ti Food and Drug Administration para iti clearance ti panagilako dagiti ASF vaccine commercially.
Maibasar iti datos ti ahensiya, sipud idi damo a panagraira ti ASF iti pagilian idi 2019, bimmaba ti national hog inventory manipud 13 million heads a nagbalin a 9 million heads.
