Nakaimasayag itan iti pagtaenganda iti bangkay ti sigud a mayor ti ili a San Juan, La Union.
Nabigbig daytoy a ni Ruben Valero Jr, residente ti Barangay Panicsican.
Segun iti maysa kadagiti anak na ti sigud a local chief executive pimmusay ti ama na idi rabii iti maysa a pribado nga ospital iti syudad ti San Fernando.
Karaman kadagiti immuna a nakipagladinget iti pamilya Valero ket ti sibubukel a Sangunian Bayan Member, dagiti barangay officials ti ili ken ni La Union Governor Francisco Emmanuel ‘Pacoy’ Ortega III.
Iti agdama ket awan pay iti pinal a petsa iti pannakaitabon daytoy numan immuna a naibaga a maimasayang ti bangkay na iti municipyo iti maudi nga rabii na.
Nagserbi kas mayor ti nasao nga ili ti Valero idi tawen 2010-2013 ken 2013-2016.
