LA UNION – Isagsaganan ti pulisya iti kaso kontra ti maysa a lalaki a maipagarup nga agik-ikot iti shabu idiay Barangay Ilocos Norte idiay syudad ti San Fernando, La Union.
Nabigbig ti suspek a ni Jasper Fernandez, 25, residente ti nasao a lugar.
Naammuan ti Bombo Radyo manipud iti San Fernando City Police, babaen iti panangidaulo dagiti kameng ti Philippine Drug Enforcement Agency (PDEA) ket inyemplementarda ti search warrant iti pagtaengan ni Fernandez kasaruno iti pannakaduktal ti maysa a sachet a naglaon iti maatap a shabu.
Kabayatanna, dukduktalen pay ti pulisya no adda pay ti posible a kaddua ti suspek a maipagarup nga agik-ikot ti droga. (Absalom Flores)
