LA UNION – Inallukoy ti baro a Regional Director ti Police Regional Office-1 a ni C/Supt. Romulo Sapitula dagiti pulis a nakadistino iti Ilocos Region a suportaran dagiti programa ken maipatungpal a plano manipud ti national
headquarter kadagiti masakupan a lugar.
Kagiddan iti naisayangkat a turn-over ceremony idiay PRO-1, kinuna ni C/Supt. Sapitula a kasapulan iti panagkaykaysa ti pulisya tapno agballigi a maipatungpal iti pagayatan ti organisasyon para iti kinatalged dagiti umili.
Nagpalagip met ti opisyal kadagiti pulis a saanda nga ipaturay nga agaramid dagitoy iti iligal wenno maikaniwas ti linteg.
Impaganetget ni Sapitula a masapul nga agtrabaho dagitoy base iti naipabaklay kadakuada a mandato ken mission, kaparaman pay iti panangipangruna iti disiplina.
Sigun pay iti opisyal, saan nga agpangaddua ti lideratona a dusaen dagiti pulisya a mapaneknekan a karaman iti iligal nga aramid, ngem bigbigenna met wenno ikkan ti pammadaway dagiti makaaramid ti napintas nga
accomplishments. (Absalom Flores)
