LA UNION – Impanamnama ti San Fernando City Veterinary Office nga umdas ti suplay iti karne a mailako iti merkado publiko ti syudad iti San Fernando, La Union.
Iti pannakiuman ti Bombo Radyo ni San Fernando City Veterinary Officer Dr. Flocy Decena, kinunana nga adu ti maparti a denguen iti slaughter house a nagtaud iti lokal a produksyon ken kadagiti kabangibang a probinsya.
No pay makuna a 20 percent laeng iti maparparti a denguen ti agtataud iti syudad ket awan ti pagdanagan ti publiko gapu ta ti 80 percent pay nga ayop nga aggapu iti sabali a lugar ket umanayen a mangsuplay iti kasapulan dagiti consumers.
Impanamnama met ti opisyal a natalged a nasalun-at dagiti dengnguen a maparpari ken sadiwa kadagiti amin a mailaklako a karne iti palengke gapu ta naipasidong dagitoy ti panangammiris.
