BR LA UNION – Pinasingkedan ni Anti-Money Laundering Council Executive Director Atty. Ronel Buenaventura a maysa a joint bank account da sigud a Presidente Rodrigo Roa Duterte ken Bise Presidente Sara Z. Duterte iti karaman kadagiti nagparang nga account iti fund transfer transaction.
Iti pannakaituloy ti impeachment trial idi kalman, sinaludsod ni private prosecutor Atty. Mae Divinagracia ni Buenaventura nu siasino ti nakaipanagan kadagiti transaksiyon.
Segun kenni Buenaventura, ti immuna nga account ket kukua da sigud a Presidente Rodrigo Roa Duterte ken Sara Z. Duterte ken maysa daytoy a joint account.
Kinuna pay ni Buenaventura nga agpada a nakailista ti nagan dagiti dua iti sabali pay nga account a madakdakamat iti nasao a dokumento.
