LA UNION – Tiniliw dagiti pulis ti maysa a baro nga addaan ti sangsanguen a kaso a rape idiay Barangay Poblacion, ili ti San Gabriel, La Union.
Nabigbig ti akusado a ni Joven Buyagao, 26, residente ti nasao a lugar.
Naammuan ti Bombo Radyo manipud kenni S/Ins. Antonio Dasalla, hepe ti San Gabriel Police Station, kadduada dagiti kameng ti La Union CIDG a nangkemmeg ti akusado gapu iti warrant of arrest nga inyatnag ti korte manipud ti syudad ti Baguio.
Agtaltalinaed iti pagbaludan ni Buyagao gapu ta awan ti piyansa nga intuding iti korte para ti pannakaruk-at daytoy. (Absalom Flores)
