LA UNION – Nagkaragsakan iti residente ti Barangay Tammocalao ken Cabarsican, Bacnotan, La Union iti pannakaisar-ong ken panagitlog ti pawikan iti lugarda.
Maysa a pawikan ti naimatangan ti mangngalap a nagitlog idiay igid ti baybay.
Ngem inyalis met laeng dagiti agindeg sadiay iti 100 nga itlog iti hatchery area.
Agpada a kinuna ni Cabarsican Punong Barangay Reynalod Gaudia ken Tammucalao Punong Barangay Rubylyn Mingaracal a pakaragsakanda la unay iti pannakaisar-ong ti nasao nga ayop iti lugarda.
Sigun kadagiti opisyal, saan daytoy a damo a gundaway nga adda ti nagitlog a pawikan idiay lugarda sipud ta idi December 2017 ket adda met laeng maysa a pawikan iti nagitlog sadiay.
Daytoy iti pangilasinan kinunada a simmayaat ti kasasaad ti kabaybayan a masakupanda.
