LA UNION – Nakabaluden ti maysa a lalaki kalpasan a nakompiskaran daytoy iti paltog ken bala idiay Barangay Francia West, ili ti Tubao, La Union.
Nabigbig ti suspek a ni Richard Estoesta, 29-anyos, residente ti nasao a lugar.
Naammuan ti Bombo Radyo manipud iti Tubao Police Station, babaen ti bileg ti search warrant nga inyatnag ti korte ket inalikad dagiti pulis ti balay ti suspek kasaruno iti pannakadiskobre iti maysa a 12 gauge homemade shotgun, dua a live ammos, ken dua nga shells ti shotgun.
Maisagsagana metten ti kaso nga illegal possession of firearms and ammunitions kontra ti suspek.
