LA UNION – Isagsaganan ti pulisya ti kaso a maidatag kontra ti maysa a mister nga agik-ikot ti naduma-duma a kita iti bala ken paltog idiay Barangay Bungor, syudad ti San Fernando, La Union.
Nabigbig ti suspek a ni Harold Holt, 38, residente ti nasao a lugar.
Naammuan manipud ti San Fernando City Police Station, awan ti suspek idi a naisirbi ti search warrant gapu ti panagikot daytoy iti igam.
Iti panagalikad dagiti pulis, nadiskobre manipud iti balayna ti maysa a cal .38 a paltog ken naduma-duma a kita ti bala.
Kaso ng illegal possession of firearms and ammunitions ti maidatag kontra ti suspek. (Absalom Flores)
