LA UNION – Agtultuloy iti imbestigasyon ti pulisya maipapan ti nasarakan a bangkay ti lalaki idiay igid ti National Highway ti Barangay Bulala, ili ti Bacnotan, La Union.
Kinuna ni C/Ins. Reynaldo Soria, hepe ti Bacnotan Police Station, nadiskobre dagiti residente sadiay ti saan pay a nabigbig a bangkay a sidara-dara a nakadasay.
Sigun kenni Soria, posible a biktima iti pannakadungpar iti lugan ti biktima, ngem urayenda ti resulta iti panangamiris ti forensic doctor tapno maammuan iti pudno a nakatayan ti nasao a lalaki.
Kabayatanna, naiturongen iti kaaseggan a punerarya ti bangkay. (Absalom Flores)
