LA UNION – Insampan ti pulisya iti kaso a panaglabsing kontra iti dua a lallaki a naaresto gapu ti panagikot iti iligal a droga idiay Barangay Magallanes, ili ti Luna, La Union.
Nabigbig dagiti suspek nga isuda Bernardino Sta. Romana ken Marvin Sabado, residente ti nasao nga ili.
Base iti report a naammuan ti Bombo Radyo manipud iti Luna Police Station, babaen ti search warrant nga inyatnag ti korte ket inalikad dagiti pulis ti pagnanaedan dagiti suspek.
Nakakompiskar dagiti otoridad iti marijuana a saan pay a naammuan iti timbang ken balor daytoy.
Kaso a panaglabsing iti Comprehensive on Dangerous Drugs Act ti sangsanguen a reklamo dagiti suspek.
