LA UNION – Napukawan ti birok iti maysa nga aldaw dagiti uppat a driver ti pampasahero a dyip kalpasan nga arestaren dagiti otoridad, iti insayangkat da nga anti-illegal gambling operation idiay Barangay Ilocanos Sur, San Fernando City, La Union.
Dagiti natiliw a jeepney drivers ket addaan ti edad 32, 39, 33, ken 49.
Kinumpiskar pay dagiti pulis iti maysa a set ti playing cards a nausar iti panagsugal dagitoy ti ‘pusoy dos’ ken bet money nga umabot iti P200.00
Dagiti respondent ket naidatag iti cuerpo ti pulisiya gaputi kaso a panaglabsing iti PD 1602 wenno illegal gambling.
