LA UNION – Arestado dagiti uppan a residente a maipagarup nga agsusugal idiay Barangay Sablut, ili ti Balaoan, La Union.
Base iti impormasyon a nakalap ti Bombo Radyo manipud ti Balaoan Police Station, naaktuan dagiti suspek a madama nga agma-majong iti nasao a lugar.
Malaksid iti majong set, nakompiskar pay iti pulisya ti P465 kwarta a pagtaytaya dagitoy.
Maisagsagana metten ti kaso kontra kadagiti natiliw.
