LA UNION – Posible a maikkat iti serbisyo iti maysa a pulis gapu iti paulit-ulit a pakairam-ramanan daytoy a kaso.
Kinapudno na, nairekomenda iti summary dismissal proceedings kontra kenni PO1 Oswald Apiado, 36, addaan asawa, residente ti Barangay Pagdildilan, San Juan, La Unioin ken naka-assign iti La Union Police Provincial Office (LUPPO) gaputi sangsangwen na a kaso nga administratibo wenno grave misconduct ken conduct unbecoming of a police officer.
Daytoy iti kinumpirma iti Bombo Radyo La Union ni P/Supt. Marlon Donato Paiste, chief ti Regional Public Information Office iti PRO-1.
Maipalagip a ni Apiado ket tiniliw dagiti pada na a pulis idi May 20 agdama a tawen kalpasan a maaktuan daytoy iti uneg ti Bauang Coliseum Cockpit Arena idiay Barangay Quinavite, Bauang, La Union.
Inawagan pay ni Paiste kas maysa a delinquent ken recidivists iti mairek-reklamo a pulis gaputi paulit-ulit a panaglabsing daytoy iti linteg.
Kinuna na nga idi 2017 ket nasuspinde ni Apiado ti 60 days gaputi kaso a grave misconduct ken idi 2016 ket naidatagan iti reklamo a simple misconduct.
Iti agdama, agtultuloy a madeng-dengngeg iti kaso ti pulis iti Internal Affairs Service (IAS) ti Police Regional Office One.
