LA UNION – Agtultuloy iti isaysayangkat nga imbestigasyon ti San Fernando City Fire Station seknan ti napasamak nga uram iti dua a unit ti appartment a pagnanaedan dagiti Indians idiay Barangay Poro, syudad ti San Fernando, La Union.
Ti nasao nga appartment ket kukua ni Alberto Noble, residente ti nasao a lugar.
Naammuan ti Bombo Radyo manipud kadagiti residente nga agnanaed sadiay a killaat a rimsua ti napuskol nga asok kasaruno iti panaggil-ayab ti apoy ti appartment.
Gapu iti daytoy, dagusda a timmawag iti bombero tapno sebseban ti uram.
Kabayatanna, saan pay nga ammo no manu iti pakabuklan a danyos ti nadadael nga alikamen ken awan met ti naipadamag a nadangran iti insidente.
