Kinontra ni Sen. Kiko Pangilinan ti immun-una a waragawag ni Senate Impeachment Court Spokesperson Atty. Reginald Tongol a posible ti kaadda iti final verdictsakbay nga ag-Disyembre 16.
Segun kenni Pangilinan, saan pay a napagsasaritaan wenno nadesisyonan iti Senate Impeachment Court iti timetable ti panagusig, agraman iti mabalin a petsa iti verdict wenno sentensya.
Kinunana nga opinyon laeng ni Tongol ti Disyembre 16 a petsa ken saan na daitoy a suportado kas senator-judge.
Impaganetget na pay nga awan iti otoridad ti abogado a mangiruar iti personal nga opinyon, usar ti nagan wenno para iti Impeachment Court.
Manamnama iti temporario a maitalna ti impeachment trial inton Oktubre 16 tapno maipaayan gundaway iti panangtingiting ti Senado iti 2027 National Budget, nga agtuloy metlaeng inton kangitingitan iti Nobiembre.
