LA UNION – Nakatuding nga idatag iti pulisya idiay pisklaya inton aldaw ti Lunes ti kaso a murder kontra iti driver ken conductor ti pampasahero a bus a maipagarup a nakapatay iti pasahero nga awanan ti maiyawat a plete idiay ili ti Sto. Tomas, La Union.
Iti pannakiuman ti Bombo Radyo kenni S/Ins. Cresencio Abila Jr., hepe ti Sto. Tomas Police Station, kinunana a ginandatdan iti makikoordinar iti Viron Bus Transit a pagserserbian dagiti suspek a sumuko dagitoy tapno sangnguen ti reklamo ngem saanda a nangipangag.
Gapu iti daytoy, idatagdan ti kaso a pammapatay kontra iti conductor a ni Edwin Hermoso ken ti bus driver a ni Jimmy Llanes.
Immuna iti daytoy, maipagarup a nagtinnulongan a bugbugen dagiti suspek iti tallo a biktima iti uneg ti bus kalpasan nga awan ti maiyawat dagitoy nga umdas a plete.
Maipagarup a nabartek dagiti biktima idi a napasamak ti panangbugbog.
Gangandaten met iti Bombo Radyo nga alaen ti reaksyon ti bus company maipapan iti nasao nga alegasyon kontra iti nadakamat a bus driver ken conductor.
