LA UNION – Ngimmatu ti bilang dagiti napasamak nga insidente ti pannakalmes idiay ili ti San Juan, La Union ita a tawen 2018.
Daytoy iti kinumpirma ni Disaster Chairman Gino Mabalot ti MDRRMO San Juan, iti sango dagiti barangay officials partikular dagiti mangsak-sakop iti igid ti kabaybayan.
Kinuna na nga iti napalabas a tallo a tawen, wenno manipud 2015 agingga 2017, maipagarop a tallo laeng a drowning incidents iti nailista, base iti record ti MDRRMO, kumpara iti uppat a kaso a nailistan ita a tawen, idinto a Hulyo pay laeng.
Gaputi daytoy, immapela ni Mabalot iti tulong kadagiti barangay officials ken tanod a mangsak-sakop kadagiti coastal areas, a lalo pay nga irutan ti agbantay ken agwanawan iti igid ti kabaybayan tapno maballaagan ken mapawilan dagiti beacgoers nu kasapolan.
