LA UNION – Gumawgawawa iti hustisya ti pamilya iti napapatay a drug personality idiay ili ti San Juan, La Union.
Iti pannakiuman ti Bombo Radyo kenni Nagsabaran, San Juan Barangay Kagawad Elsie Puruganan kinunana a saan a naikalintegan iti pannakatay ti kaanakanna a ni Franklin Benson Perez.
Sigun kenni Puruganan, aniaman ti nagbasolan ti kaanakanna ket mas nasaysayaat koma nga ibalud laengen ngem iti mapapatay daytoy.
Kabayatanna, inladawan met ni Lorenzo Manibog a nasingpet ken nalaing a makigayyem iti kaanakanna a ni Benson.
Awan met iti sabali pay a mabalin a pakakumikoman ti biktima no saan a makipallot gapu ta adda ti naggannakna idiay ballasiw-taaw a mangmangted kenkuana iti suporta.
Immuna iti daytoy, nasarakan laengen a nakadasay ken dara-dara iti bagi ni Benson idiay igid ti kalsada iti Barangay Cabaroan, San Juan.
Ibilbilang met iti pulisya kas high value target (HVT) drug personality ken maipagarup a kameng daytoy iti Taracatac drug group.
