LA UNION – Burburtiya pay laeng para iti pulisya ti motibo iti panangpapatay ti maysa a tanod idiay Barangay Tio-angan, ili ti Bagulin, La Union.
Nabigbig ti biktima a ni Reynaldo Piloy; kabayatan a ti suspek ket ti mannalon a ni Andres Sangao, agpada a residente iti nasao a lugar.
Iti report a nakalap ti Bombo Radyo manipud ti Bagulin Police Station, maipagarup a naglak-am iti adu a pammagsol ti bagina ti biktima isu a natay daytoy.
Madama met a sapsapulen ti pulisya ti suspek a naglibas kalpasan a mapatayna ti biktima.
