LA UNION – Sumangsango ita iti kaso a homicide ti mannalon a maipagarup a nangpapatay ti maysa a tanod ti Barangay Tio-angan, ili ti Bagulin, La Union.
Naammuan ti Bombo Radyo manipud iti Bagulin Police Station, addan iti sidong ti piskalya ti reklamo kontra kennni Andres Sangao a residente ti nasao a lugar.
Nakabalud metten ti suspek iti nadakamat a kwerpo ti pulisya.
Maipalagip a killaat a naaddaan ti panagrikyar dagiti sumagmamano a lallaki a dimar-ay iti victory party ti nangabak a kagawad gapu ti maipagarup a kinabartek dagitoy isu a naganawa ti biktima a ni Reynaldo Piloy, ngem isuna ti nagdas-alan iti gura ti suspek ken napasamak ti pammagsol.
Naglak-am iti naduma-duma a paset iti bagina ti biktima a nagbanag ti pannakatay daytoy.
