LA UNION – Nasapa nga inyanunsiyo ti lokal a gobyerno ti Bauang, La Union babaen kenni Mayor Martin de Guzman III, iti panang-suspinde ti klase iti public ken private schools iti amin a level iti masakopan na, ita nga aldaw ti Huwebes, July 19, 2018.
Daytoy ket gaputi dakes a panawen wenno masansan a panagtudo kas epekto ti southwest monsoon (HABAGAT) a lalo pay a pinapigsa ti bagyo Inday.
Kabayatanna, inyanunsiyo met iti lokal a gobyerno ti syudad ti San Fernando nga adda serrek iti klase ken tuloy iti trabaho iti agpada a public ken private offices ita nga aldaw.
Nupay kasta, ‘ultimate discretion’ dagiti nagannak nu palubosan dagiti ubbing, nangruna iti pres-schools ken elementary, a sumrek iti klase nu panagkita da ket peligro ti pagbiyahe dagitoy manipud iti lugar da.
Base iti latest North Luzon Rainfall Advisory manipud PAG-ASA, iti ili ti Rosario, Sto. Tomas, Agoo, Tubao, Pugo, Aringay, Caba, Burgos, ken Naguilian ket makapasar iti kalalaingan a nu maminsan ket napigsa a buyat ti tudo.
Bayat nga iti nabatbati a paset ti La Union a pakairamanan ti City of San Fernando ket namnamaen a makapadas iti kalalaingan na laeng a tudo ita nga aldaw.
