LA UNION – Inarestar dagiti kameng ti Rosario Police Station iti tallo a mister ken maysa a lola, kalpasan a naaktuan dagitoy nga agsug-sugal ti mahjong idiay Barangay Vila Rosario, La Union.
Base iti inisyal a report ti pulisiya, dagiti naarestar ket pakaibilangan iti 46-anyos a mister a residente ti nasao a lugar, kadwa na iti dua pay a mister, agtawen ti 44 ken 49 ken 60-anyos a lola nga agpapada a residente ti Poblacion East, Rosario, La Union.
Kinumpiskar pay dagiti otoridad iti maysa a set ti mahjong tiles ken P500 a bet money iti nagduduma a denominasyon.
Daytoy ket paset pay laeng iti agtultuloy a kampanya ti pulisiya kontra iligal a sugal.
